Եգիպտական գերեզմանում բացահայտել են 4400 տարվա սիրո պատմություն
Աշխարհ
Եգիպտոսում՝ Սաքքարայի գերեզմանատանը, բացահայտվել է 4400 տարվա սիրո պատմություն: Հնէագետները, հայտնաբերելով սիրային տեսարանի պատկերով նկար, գտել են սիրահար զույգին և նրանց երեխաներին:
Գերեզմանը պատկանում է Մերետայս անունով երգչուհուն, որը երգել է փարավոնի պալատում: Նրա ամուսինը՝ Կախային, եղել է քուրմ: Նկարում ամուսինները սիրառատ հայացքներով իրար են նայում, իսկ Մերետայսը ձեռքը դրել է ամուսնու աջ ուսին:
Նման պատկերներ այդ ժմանակաշրջանից հաճախ չեն հանդիպում: Այս դամբարանն առաջին անգամ հայտնաբերվել է 1966 թ.: Դրա մասին առաջին տեղեկությունը հրապարակվել է 1971 թ. լույս տեսած գրքում, սակայն դրանում նկարները եղել են հիմնականում սև և սպիտակ: Գերեզմանը բացելիս հայտնաբերվել են մումիֆիկացված մնացորդներ, սակայն այդ ժամանակ համոզված չեն եղել, որ դրանք պատկանում են միևնույն ընտանիքին:
Այժմ պատկերն իր ողջ անհանավանական գույներով ներկայացրել է Ավստրալական Մաքուորիի համալսարանի եգիպտագիտության կենտրոնը:
Համալսարանի աշխատակից Միրալա Շաշիենը LiveScience-ին ասել է, որ Կախայիի դամբարանը ցույց է տալիս կնոջ կարևոր դերը: Կանայք ունեցել են տղամարդկանց հավասար կարգավիճակ, ինչի մասին վկայում է կանանց հաճախակի հանդիպող պատկերները դամբարանների վրա, ինչպես նաև այն հանգամանքը, որ այդ նկարներում նրանք ունեն տղամարդկանց հավասար չափսեր:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
