Կանադայում կհայտնվեն թունավոր լճեր

Կանադայում լճերն ավելի շատ են, քան որևէ այլ երկրում՝ մոտ 3 մլն: Այդ երկրում նոր տիպի` թունավոր լճեր են հայտնվելու: Իսկ դրա պատճառն այն է, որ նավթարդյունահանումը Կանադայում նոր թափ է առնում. տարեկան ներդրումների ծավալն այդ ոլորտում հասել է 19 մլրդ ԱՄՆ դոլարի: Խոշոր ընկերությունները, ինչպես օրինակ` Syncrude Canadа-ը, Royal Dutch Shell-ն ու Imperial Oil Ltd-ը տեղ են որոնում, որտեղ հնարավոր կլինի կուտակել աղտոտված ջուրը, որը տաբեր տեսակի հեղուկ վառելիքի արտադրության ժամանակ է ստացվում:

Խնդիրը լուծելու համար նավթարտադրող ընկերությունները ծրագրեր են կազմել, որոնց համաձայն Կանադայի հյուսիսի Ալբերտա նահանգը կվերածվի ձեռակերտ լճի, դատարկված ձորերը կլցվեն թունավոր նավթաջրերով:

Կանադայի բնապահպանները սարսափած են. նախկինում նման քայլից հետո 1600 բադ էր սատկել երկրի լճերից մեկում: