Ազարովը «շահարկումներ» է որակել Ուկրաինայի` ՄՄ-ին միանալոււ մասին շշուկները

Կիևի Եվրոպական հրապարակում սկսվել է Ռեգիոնների կուսակցության համախոհների ցույցը, որտեղ ելույթով հանդես է եկել երկրի վարչապետ Նիկոլայ Ազարովը. հաղորդում են ուկրաինական լրատվամիջոցները:

Ըստ Ազարովի՝ բողոքի ակցիաները տեղի են ունենում միայն մայրաքաղաք Կիևում: «Ես տեղեկություն ունեմ, որ միայն մեզ մոտ՝ Կիևում են ընթանում այս իրադարձությունները, իսկ երկրի մյուս մասը հիմնականում հանգիստ է: Եվ մենք նաև Կիևին պետք է հանգստություն տանք»,- ասել է վարչապետը:

Նա ընդգծել է, որ քաղաքական գործիչների պատասխանատվությունը նրանում է, որպեսի գոյություն ունեցող հակասություններին խաղաղ լուծում առաջարկեն: Ուստի, դրա համար բոլոր քաղաքական գործիչները պետք է համախմբվեն:

Վարչապետի խոսքով՝ Ասոցացման համաձայնագիրը ստորագրելու դեպքպում Ուկրաինային փոխհատուցում է անհրաժեշտ Եվրամիությունից՝ զարգացման համար:

Ազարովը նաև «շահարկումներ» է որակել այն շշուկները, որ իբրև Ուկրաինան պատրաստվում է միանալ Մաքսային միությանը: Նա կարևորել է Ռուսաստանի հետ առևտրատնտեսական հարաբերությունները՝ ընդգծելով, որ Ուկրաինան չի պատրաստվում հրաժարվել եվրաինտեգրման գաղափարից: