Ֆրանցիսկոս պապը Սուրբ ծննդյան ավանդական մաղթանքն է ուղղել ողջ աշխարհին

Հռոմի Ֆրանցիսկոս պապը հանդես է եկել Սուրբ ծննդյան իր ավանդական քարոզով. հայտնում է itarr-tass-ը:

Նա իր ուղերձով դիմել է ողջ քրիստոնյա աշխարհին: Քահանայապետը իր քարոզի ընթացքում հիշել է պատերազմի ժամանակ զոհված երեխաներին և խաղաղ բնակչությանը, ինչպես նաև Սիրիայում, Իրաքում, Հարավային Սուդանում, Կենտրոնական Աֆրիկայի հանրապետությունում հակամարտույթունները դադարեցնելու և խաղաղություն քարոզելու կոչ է արել:

Հովվապետը աշխարհի ողջ մարդկությանը մաղթել է բարօրություն, հոգեկան հանգստություն, խաղաղություն և հավատ: