Հարավային Սուդանում տեղահանված բնակչության թիվը հասել է 180 հազարի

Ինչպես հայտնում է itar-tass-ը, Հարավային Սուդանում հակամարտության հետևանքով տեղահանված բնակչության թիվը հասել է 180 հազարի: Այս մասին տեղեկացնում է արևելաաֆրիկյան ՄԱԿ-ի առաքելությունը:

Ռազմական գործողություններ իրականացնելուց հետո Հարավային Սուդանում իրենց բնօրրանը հարկադրաբար լքել է մոտ 81 հազար մարդ: Խաղաղապահների բազաներում ապաստան խնդրող բնակիչների թիվը նույնպես ավելացել է` 45 հազարից հասնելով 75 հազարի:

ՄԱԿ-ի առաքելությունն ավիահետախուզություն է անցկացրել Բոր քաղաքի մոտակայքում, այն բանից հետո, երբ հաղորդվել է, որ նուեր ազգի 25 հազար մարտիկ շարժվում է դեպի Ջոնգլեյ նահանգի մայրաքաղաք, որպեսզի այն հետ խլի կառավարական զորքերից:

Հիշեցնենք, որ լարված իրավիճակը Հարավային Սուդանում սկվել է երկու շաբաթ առաջ, երբ երկրի նախագահի գվարդիան, որը ներկայացնում է դինկ ազգությունը, փորձել է զինաթափել էթնիկ մեծամասնություն կազմող նուեր ցեղի զինվորներին: Զոհերի մասին տվյալներ չկան: Ըստ ՄԱԿ-ի ներկայացուցիչների` ավելի քան 1000 մարդ է զոհվել: