Դերասան Սթիվեն Սիգալը կպայքարի Արիզոնայի նահանգապետի պաշտոնի համար

Ինչպես հայտնում է gazeta.ru-ն, Ամերիկացի դերասան Սթիվեն Սիգալը հնարավոր է իր մասնակցությունն ունենա Արիզոնայի նահանգապետի ընտրություններին, այս մասին Սիգալը հայտնել է KNXV հեռուստատեսությանը տված հարցազրույցում:

Դերասանն ասել է, որ ընտրվելու դեպքում մտադիր է ԱՄՆ-ի սահմանների պաշտպանության և աշխատատեղերի ստեղծման հարցերը կարգավորել: Ըստ նրա, ահաբեկչության խնդիրը պայմանավորված է վատ պաշտպանված սահմաններով:

«Եթե ձեր սահմաններն անվտանգ չեն, ուրեմն դուք պետություն էլ չունեք», - ասել է դերասանը:

Սեգալը նշել է նաև, որ դեռ չի առաջադրվի, քանի որ մոտ ապագայում առաջնային և հրատապ գործեր ունի, իսկ ընտրություններին մասնակցելու իր ծրագրերի մասին խոսել է Ջո Արփայոյի հետ, ով Արիզոնայի Մարիկոպա շրջանի շերիֆն է: