Թել Ավիվում բացվել է Հոլոքոստի միասեռական զոհերին նվիրված հուշարձան
Աշխարհ
Թել Ավիվն առաջին իսրայելական քաղաքն է, որտեղ բացվել է Երկրորդ աշխարհամարտի տարիներին նացիստական Հոլոքոստի միասեռական զոհերին նվիրված հուշարձան: Այս մասին հայտնում է BBC-ն:
Քաղաքի կենտրոնում կանգնեցված հուշարձանն իրենից ներկայացնում է վարդագույն եռանկյունի. Նմանատիպ նշաններով էին տարբերում նացիստական ճամբարներում պահվող միասեռականները: Հուշարձանի վրա անգլերենով, եբրայերենով և գերմաներենով գրված է. «Ի հիշատակ նրանց, ովքեր նացիստական ռեժիմի կողմից բռնության են ենթարկվել իրենց սեռական կողմնորոշման կամ գենդերային ինքնության պատճառով»:
Տարբեր տվյալներով` նացիստները սպանել են հինգից տասնհինգ հազար միասեռականների: Սա Հոլոքոստի զոհերին նվիրված առաջին հուշարձանն է Իսրայելում, որը նվիրված է ոչ միայն հրեաներին, այլ նաև այլ ազգի միասեռական զոհերին:
«Բացի հրեաներից, նացիստների կողմից վայրագ վերաբերմունքի արժանացան նաև նրանք, ովքեր, իրենց կարծիքով, «նորմալ» չէին»,-ասել է Թել Ավիվի քաղաքապետ Ռոն Հուլդաին:
«Այս հուշարձանը հիշեցնում է մեզ, թե որքան կարևոր է հարգանքը յուրաքանչյուր մարդու կարծիքի և որոշման նկատմամբ», - ավելացրել է նա:
Ավելի վաղ, նմանատիպ հուշարձաններ կանգնեցվել են Ամստերդամում, Բեռլինում, Սան-Ֆրանցիսկոյում եւ Սիդնեյում:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
