Կհրապարակվեն Առաջին համաշխարհայինի մասնակիցների օրագրերը

Բրիտանական արխիվը կստեղծի նոր տեղեկատվական կայք, որտեղ կտեղադրվեն Առաջին համաշխարհային պատերազմին մասնակցած զինվորների օրագրերը: Այս մասին հայտնում է BBC-ն:

Մինչև տարվա վերջ, օնլայն ռեսուրսը նախատեսում է հրապարակել մոտ 1,5 մլն գրառում:  Ազգային արխիվի կազմակերպիչները կոչ են արել կամավորներին՝ օգնել պատմաբաններին, ովքեր զբաղվում են նամակների հավաքագրմամբ:

Առաջին համաշխարհային պատերազմի տարիներին բրիտանական յուրաքանչյուր ռազմական ստորաբաժանում պարտավոր էր օրագիր ունենալ։ Այդ օրագրերում ամեն օր նկարագրվում էին մարտի դաշտում տեղի ունեցող իրադարձությունները։

Այս պատմական «միջոցառում-ակնարկը» նվիրված է Առաջին համաշխարհային պատերազմի հարյուրամյակին: