«Վիքիպեդիան» այսօր 13 տարեկան է

Ինտերնետ-հանրագիտարան «Վիքիպեդիան» այսօր 13 տարեկան է: Այս մասին հայտնում է Calend.ru-ն:

Վիքիպեդիան ներկայումս համացանցում ամենահաճախ այցելվող տեղեկատվական կայքերից մեկն է: Օրական ամբողջ աշխարհից գրեթե 80 միլիոն մուտք է լինում այս կայք։

Վիքիպեդիան իր անվանումը ստացել է հավայական «վիկի» բառից, որը թարգմանաբար նշանակում է «արագ»:

Այս ինտերնետ-հանրագիտարանը գնահատվում է անվճար լինելու, ազատության և մատչելիության, թեմաների հսկայական բազմազանության, մանրամասն տեղեկությունների համար։

Այստեղ ավելի քան 30 միլիոն հոդված է ստեղծվել ինքնակամ մասնակիցների կողմից և համարյա բոլոր հոդվածները կարող են խմբագրվել համացանցից օգտվող ցանկացած անձի միջամտությամբ։

Վիքիպեդիան այժմ թողարկվում է 260 լեզվով և ընդգրկված է ամենաշատ այցելու ունեցող կայքերի տասնյակում:

Կայքը հաճախ է քննադատվել այն պատճառով, որ հոդվածների բովանդակությունը կարող է ազատորեն խմբագրվել ցանկացողների կողմից, ինչը կարող է հանգեցնել որոշակի անճշտության և ոչ բավարար խորությամբ հետազոտված բովանդակության։Կայքի աշխատակիցների բարձր պատասխանատվության շնորհիվ, սակայն, բոլոր սխալները, սովորաբար, բացահայտվում և վերացվում են մի քանի րոպեի ընթացքում։