Աֆղանստանն ԱՄՆ-ին մեղադրել է երեխաներ սպանելու մեջ
Աշխարհ
Աֆղանստանի նախագահ Համիդ Քարզայը հանդես է եկել հայտարարությամբ, որում ԱՄՆ-ին մեղադրել է յոթ երեխայի և մեկ կնոջ սպանության մեջ: Այս մասին հայտնում է BBC-ն:
Ամերիկյան ուժերի ռմբակոծման հետևանքով` անցած գիշեր Պարվանի նահանգում զոհվել է մի կին և յոթ երեխա, ևս մեկ մարդ վիրավորվել է:
«Աֆղանստանի կառավարությունն արդեն մի քանի տարի է` խնդրում է դադարեցնել գործողություններն Աֆղանստանի գյուղերում, բայց ամերիկյան զորքերը կրկին ռմբակոծել են բնակելի շրջանը»,-ասվում է հայտարարության մեջ:
Աֆղանստանից ամերիկյան զորքն ամբողջությամբ նախատեսվում է դուրս բերել 2014 թվականի վերջին` աֆղանական ուժերին անվտանգության ապահովման պատասխանատվությունը փոխանցելուն զուգահեռ։
Ավելի վաղ, անանուն աղբյուրը հաղորդել էր, որ ԱՄՆ-ում համոզված են, որ Աֆղանստանից առկա սպառնալիքն զգալիորեն նվազել է, չնայած այն փաստին, որ Աֆղանստանի ներքին իրավիճակն անկայուն է։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
