Ամերիկացի սենատորները «Մագնիտսկու օրենքը» կփորձեն տարածել բոլոր երկրների վրա
Աշխարհ
Ամերիկացի սենատորներ Ջոն Մաքքեյնն ու Բեն Կարդինը հինգշաբթի Կոնգրեսի քննարկմանն են ներկայացրել օրինագիծ, ըստ որի՝ «Մագնիտսկու օրենքը» կտարածվի բոլոր երկրների վրա: Այս մասին հայտնում է ria.ru-ն:
Օրինագիծը նախատեսում է, որ բոլոր այն անձինք, ովքեր, ըստ ամերիկյան Կոնգրեսի, կխախտեն մարդու իրավունքները, կներառվեն ԱՄՆ պատժամիջոցների գլոբալ ցուցակ:
«ԱՄՆ-ն պետք է պահպանի իր առաջատարությունը մարդու իրավունքների խախտումների դեմ պայքարում, որտեղ էլ դրանք տեղի ունենան: Այս օրինագծի ընդունմամբ` մենք ավելի հետևողականորեն կլինենք յուրաքանչյուր մարդու բնական իրավունքները սատարելու և պաշտպանելու հարցերում»,-ասել է Կարդինը:
Մաքքեյնն իր հերթին հայտարարել է, որ օրինագիծը համապատասխանում է ԱՄՆ ազգային շահերին և բխում ամերիկյան արժեքներից:
Հիշեցնենք, որ «Մագնիտսկու օրենքն» ԱՄՆ Կոնգրեսի կողմից ընդունվել էր 2012 թվականի վերջին, որը նախատեսում է կիրառել վիզային և տնտեսական պատժամիջոցներ Ռուսաստանի այն պաշտոնյաների դեմ, ովքեր մեղավոր են Hermitage Capital հիմնադրամի իրավաբան Սերգեյ Մագնիտսկու մահվան և մարդու իրավունքների խախտման մեջ:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
