ԵՄ-ի ԱԳ նախարարները Բրյուսելում կքննարկեն Ուկրաինայի դրությունը

Ինչպես հայտնում է itar-tass-ը, Եվրամիության 28 երկրների ԱԳ նախարարները աշխատանքային ճաշկերույթի ընթացքում կքննարկեն Ուկրաինայի իրադրությունը: Այս մասին տեղեկացրել է ԵՄ-ի արտաքին քաղաքական ծառայության ներկայացուցիչը:

Հունվարի 20-ին Բրյուսելում կայանալիք գործնական ճաշկերույթի ընթացքում անպայման անդրադարձ կլինի նաև Ուկրաինայում տիրող լարված իրավիճակին:

Ներկայացուցիչը նշել է նաև, որ չնայած աշխատանքային ճաշկերույթի ընթացքում կքննարկվի Ուկրիանայի դրությունը, բայց խորհրդակցության օրակարգում այն չի ընդգրկվել:

«Որևէ քաղաքական հայտարարություն չի ծրագրվում` չնայած Ուկրաինային վերաբերող հարցերի բարձրացմանը»,-ասել է ներկայացուցիչը: