Ասադը կմասնակցի Սիրիայի նախագահական ընտրություններին

Սիրիայի նախագահ Բաշար ալ Ասադը հաստատել է, որ իր թեկնածությունն առաջադրելու է 2014թ. կայանալիք նախագահական ընտրություններում։ Այս մասին հայտնում է gazeta.ru-ն:

Նախագահը հայտնել է, որ ոչինչ չի կարող կանգնեցնել նախագահական ընտրություններում իր թեկնածությունն առաջադրելու հարցում։

«Իմ կառավարությունը կապ չունի զանգվածային սպանությունների հետ, և ես որևէ տարբերություն չեմ տեսնում սիրիական ընդդիմության ու ջիհադիստների միջև»,-ասել է Ասադը:

Հիշեցնենք, որ առաջիկա օրերին Ժնևում կայանալու է Սիրիայի հարցով միջազգային համաժողովը, որի ընթացքում կքննարկվի արաբական պետությունում ժամանակավոր կառավարության ստեղծման առաջարկը։