Սիրիական ազգային խորհուրդը լքել է կոալիցիան

Սիրիայի ազգային խորհուրդն, ի նշան բողոքի, լքել է ընդդիմադիր և հեղափոխական ուժերի ազգային կոալիցիայի շարքերը, «Ժնև-2»-ին մասնակցելու` վերջինիս որոշման դեմ: Այս մասին հայտնում է itar-tass-ը:

Ավելի վաղ տեղեկացվել էր, որ Ազգային կոալիցիան հաստատել է իր մասնակցությունն այն բանից հետո, երբ ՄԱԿ-ը հետ է կանչել Իրանի մասնակցության հրավերը:

Հիշեցնենք, որ Սիրիայի ներսում մի շարք զինված խմբավորումներ ավելի վաղ հայտարարել էին, որ Ազգային կոալիցիան չեն համարում իրենց քաղաքական թևը և մտադիր չեն ենթարկվել նրա որոշումներին: