Շվեյցարիայում մեկնարկել է Սիրիայի հարցով «Ժնև-2» համաժողովը

Շվեյցարիայի Մոնտրյո քաղաքում մեկնարկել է Սիրիայի հակամարտության կարգավորմանն ուղղված «Ժնև-2» միջազգային համաժողովը: Այս մասին հայտնում Է ria.ru-ն:

Համաժողովը բացել է ՄԱԿ-ի գլխավոր քարտուղար Պան Գի Մունը:

Համաժողովին մասնակցում է 39 երկիր, ՄԱԿ-ի գլխավոր քարտուղարը, Արաբական պետությունների լիգայի և Իսլամական համագործակցության կազմակերպության ղեկավարները, Սիրիայի կառավարության և ընդդիմության պատվիրակությունները:

Հայտնի է, որ հունվարի 24-ին պաշտոնական Դամասկոսն ու ընդդիմադիրները խաղաղ կարգավորման ուղիներ կփորձեն գտնել Ժնևում: