ԱՄՆ-ում կապիկները կվերապատրաստվեն հաշմանդամներին օգնելու համար

ԱՄՆ Քենտուքի նահանգի իշխանությունները կընդունեն օրենք, ըստ որի՝ սահմանափակ հնարավորություններ ունեցող մարդկանց կօգնեն կապիկները: Այս մասին հայտնում է Вести.ru-ն:

Գիտնականների կարծիքով` կապիկները կկարողանան կատարել առօրյա խնդիրներ, որոնք հաշմանդամներն ի վիճակի չեն լինի կատարել` վառել լույսը կամ փոխել գրքի էջերը:

Կենդանաբանները կապիկների գլխավոր առավելություններից են համարում նրանց կյանքի տևողությունը, որը հասնում է մինչև 40 տարվա:

Կապիկ օգնականները վերապատրաստվել են Միացյալ Նահանգներում` 1979 -ից սկսած: Գրեթե 35 տարվա պատմություն ունեցող բարեգործական գործունեության ընթացքում հաջողվել է վերապատրաստել և հատուկ հանձնարարություններ կատարելուն վարժեցնել մոտ 90 կապիկ օգնականի: