Նախագահական ընտրությունների ընթացքում Քադաֆին ֆինանսավորել է Սարկոզիին

Ֆրանսիական France 3 TV հեռուստաալիքը հրապարակել է Լիբիայի նախկին առաջնորդ Մուամմար Քադաֆիի վերջին հարցազրույցներից մեկը, որում ներկայացվում է, որ Լիբիան 2007 թվականին` Ֆրանսիայի նախագահական ընտրություններում, ֆինանանսական օժանդակություն է ցուցաբերել Նիկոլա Սարկոզիի ընտրական խմբին: Այս մասին հայտնում է ria.ru-ն:

Քադաֆիի կողմից Սարկոզիին հնարավոր ֆինանսական աջակցության մասին սկանդալը ծագել էր 2012 թվականի գարնանը, երբ ֆրանսիական Mediapart պարբերականը հրապարակեց մի շարք փաստաթղթեր, լիբիական վարչակարգը 50 միլիոն եվրո է հատկացրել Սարկոզիի նախագահական նախընտրական քարոզարշավի կարիքների համար:

Սարկոզին այդ հրապարական համար դատի էր տվել Mediapart-ին: