Քերրին, Լավրովը, Պան Գի Մունն ու Բրահիմին գոհ չեն «Ժնև-2»-ի արդյունքներից
Աշխարհ
Ինչպես հայտնում է ria.ru-ն, Ռուսաստանի արտաքին գործերի նախարար Սերգեյ Լավրովը, ԱՄՆ պետքարտուղար Ջոն Քերրին, ՄԱԿ-ի գլխավոր քարտուղար Պան Գի Մունը, ինչպես նաև ՄԱԿ-ի և ԱՊԼ-ի հատուկ հանձնակատար Լախդար Բրահիմին Անվտանգության հարցերով մյունխենյան համաժողովի եռակողմ հանդիպման ընթացքում քննարկել են «Ժնև-2»-ում Սիրիայի ընդդիմության պատվիրակության կազմի մեծացման հարցը:
«Մենք ոչ մի նշանակալից արդյունք չգրանցեցինք «Ժնև-2»-ում Սիրիական ճգնաժամի քննարկման ընթացքում: Մեր քննարկումները ծավալվել են «Ժնև-2»-ի առաջին փուլի արդյունքների շուրջ և հաջորդ փուլի վերաբերյալ ծրագրեր կազմելով»,-ասել է Քերրին:
Սիրիայի ընդդիմադիր և հեղափոխական ուժերի ազգային կոալիցիայի ղեկավար Ահմեդ Ջարբան հայտարարել է, որ պատրաստ է մասնակցել արաբական երկրում հակամարտության խաղաղ կարգավորմանը նվիրված «Ժնև-2» համաժողովի երկրորդ փուլին:
Հիշեցնենք, որ հունվարի 22-ին Շվեյցարիայի Մոնտրյո քաղաքում մեկնարկել էր Սիրիայի հակամարտության կարգավորմանն ուղղված «Ժնև- 2» միջազգային համաժողովը, որին մասնակցում է 39 երկիր, ինչպես նաև ՄԱԿ-ի գլխավոր քարտուղարը, Սիրիայի կառավարության և ընդդիմության պատվիրակությունները:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
