BBC-ի հետաքրքիր անդրադարձը` Սպիտակ տանն ապրած կանանց

BBC-ին անդրադարձել է Սպիտակ տանն ապրած, երկրի պատմության մեջ մեծ ներդրում ունեցած կանանց և նրանց հետ կապված համաշխարհային պատմության հետաքրքիր դրվագներին:

Վերջին երկու հարյուրամյակում առաջին տիկինների դերն ու նշանակությունը փոփոխություններ են կրել, որոնց  համար հիմք են հանդիսացել , թե՛ պատմության զարգացման փուլերը, թե՛ մարդկության աշխարհայացքի ձևավորման սանդղակն ու առաջընթացը:

Էբիգայլ Ադամսն առաջինն է խոսել կանանց իրավունքների մասին 1797թվականին: Նրա անվանակիցը՝ Էբիգայլ Ֆիլմորեն, առաջին գրադարանը բացեց Սպիտակ տանը`1921թվականին: Ռոզալին Կարտերն առաջինն է մասնակցել կառավարության նիստին` 1977թվականին:

Սպիտակ տանն ամենաքիչն ապրած և ամենատարեց առաջին տիկինը եղել է Աննա Հարիսոնը, ով ընդամենը 6 շաբաթ ապրեց այդ տանը, քանի որ ամուսինը՝ Վիլյամ Հենրի Հարիսոնը, թոքաբորբից մահացավ 1941թ. ապրիլին` Սպիտակ տանը տեղավորվելուց ընդամենը 6 շաբաթ անց: Հարիսոնը Սպիտակ տնից հեռացել է, երբ եղել է 65 տարեկան:

Ամենաերկարակյացն այս սանդղակում Էլյանորա Ռուզվելտն է: Նա Վաշինգտոնում ապրել է 12 տարի: Ինչպես նրա ամուսին Ֆրանկլին Դելանո Ռուզվելտը սովորական նախագահ չէր, այնպես էլ նրա կինը՝ Էլյանորա Ռուզվելտը ոչ միայն տիտղոսով էր առաջին տիկին, այլ նաև գաղափարներով և մարդկային բարձր արժեքներով: Նա ԱՄՆ-ի պատմության մեջ հայտնի է, որպես սոցիալական և քաղաքական ակտիվիստ, հեղինակ, լրագրող և դիվանագետ: Հարի Թրումեն նրան անվանել է «ողջ աշխարհի առաջին տիկին» , քանի որ նրան հետաքրքրում էր ոչ միայն Միացյալ Նահանգների կյանքը, այլ նաև ողջ աշխարհի:

Ամենաերիտասարդ առաջին տիկինը Ֆրենսիս Ֆոլսոմ Կլիվլենդն է : Նախագահ Կլիվլենդի և Ֆրենսիսի տարիքային տարբերությունը բավականին մեծ էր. նախագահը 49 տարեկան էր, իսկ հարսնացուն 21: Ֆրենսիս Ֆոլսոմ Կլիվլենդն ԱՄՆ-ի պատմության մեջ հայտնի է, որպես ամենաերիտասարդ հարսնացու: