Յանուկովիչը հիվանդությունից հետո կանցնի աշխատանքի

Ուկրաինայի նախագահ Վիկտոր Յանուկովիչն այսօր կանցնի աշխատանքի՝ շնչառության հետ կապված հիվանդությունից հետո: Այս մասին հայտնում է Украинская правда-ն:

«Բժշկական հատուկ կուրս անցնելուց հետո Վիկտոր Յանուկովիչն իրեն լավ է զգում, և նրա առողջական վիճակը բավարար է գնահատվում:

Նախագահը պատրաստվում է աշխատանքի վերադառնալ»,- ասել է բժշկական հարցերով պետական գերատեսչության ղեկավարի տեղակալ Ալեքսանդր Օրդան:

Հիշեցնենք, որ հունվարի 30-ին Յանուկովիչը հիվանդանոց էր տեղափոխվել սուր շնչառական հիվանդության ախտանիշով: