Ֆրանսիայի նախագահի հետ կապի մեջ մերկացված Ժյուլի Գայեն կրկին դատի է տվել Closer հանդեսին

Ֆրանսիացի դերասանուհի Ժյուլի Գայեն երկրորդ դատական հայցն է ներկայացրել Closer շաբաթահանդեսի դեմ՝ «մասնավոր կյանք ներխուժելու» համար: Այս մասին հաղորդել է ֆրանսիական Le Monde թերթի ինտերնետ-տարբերակը:

Ի տարբերություն Ֆրանսիայի նախագահի, որն այդպես էլ չիրագործեց իր սպառնալիքները, դերասանուհին հաստատ մտադիր է հրատարակությանը պատասխանատվության ենթարկել նոր շարքի լուսանկարների հրապարակման համար, որտեղ ինքը պատկերված է իր Sitroen մակնիշի ավտոմոբիլի ղեկի առջև:

Օրենքի այն հոդվածը, որին համապատասխանում են հանդեսի գործողությունները, նախատեսում է տուգանք 45 հազար եվրոյի չափով և ազատազրկում մեկ տարի ժամկետով: