Աշխարհի ամենաթանկ և ամենանպաստավոր բիզնես-քաղաքները. Forbes

Forebes հետազոտական ընկերությունը ուսումնասիրել է եվրոպական տարբեր քաղաքներում գրասենյակային տարածքների վարձակալության ցուցանիշներն ու դրանց հիման վրա կազմել բիզնեսի համար առավել թանկ եվրոպական քաղաքների վարկանիշը: Forbes-ը անդրադարձել է  նաև Բիզնես ծավալելու համար ամենանպաստավոր քաղաքներին:

Այս վարկանիշը գլխավորում է Լոնդոնը, որտեղ առաջնակարգ գրասենյակների տարեկան վարձավճարները կազմում են շուրջ 1187 եվրո/ քառ.մետր:

Բիզնեսի համար առավել թանկ գրասենյակային տարածքներ առաջարկող եվրոպական քաղաքների երկրորդ տեղում է Ցյուրիխը (տարեկան 903 եվրո/քառ.մետր):

Երկրորդ տեղում է հայտնվել Մոսկվան (894 եվրո/քառ.մետր):

Վարկանիշային աղյուսակում ներառվել են նաև Ժնևը, Փարիզը, Սանկտ-Պետերբուրգը, Կիևը, Հաագան, Միլանը, Ստոգհոլմը, Համբուրգը, Մադրիդը, Դուբլինը և այլն:

2013 թվականի երրորդ եռմասյակում Եվրոպայում վարձակալվել է 2,9 մլն քառ.մետր գրասենյակային տարածք: Forbes-ի վերլուծաբանների հաշվարկներով' այս ցուցանիշը եռամսյակային կտրվածքով գրանցել է 6% աճ, իսկ տարեկան կտրվածքով' 16% աճ:

Ըստ Forbes-ի հետազոտության՝  ամենաբարենպաստ քաղաքների տասնյակը գլխավորում է Լոնդոնը: Լավագույն եռյակում են նաև Փարիզն ու Ֆրանկֆուրտը, որոնց հաջորդում են Ամստերդամն ու Բեռլինը: Բիզնեսի ներդրման համար լավագույն քաղաքներից է համարվում նաև Մյունխենը, ինչը ցույց է տալիս, որ այդ տեսանկյունից Գերմանիան լավագույն երկիրն է: Գնահատման այդ չափանիշներից են' շուկայի հասանելիությունը, հեռահաղորդակցության հասանելիությունը, լեզվական միջավայրը, տրանսպորտային համակարգը և այլն: