Սիրո արտասովոր խոստովանությունը կուտակումներ է առաջացրել Քուվեյթի մայրաքաղաքի մայրուղում
Աշխարհ
Քուվեյթի մայրաքաղաքի մի բնակիչ որոշել է մոտալուտ՝ բոլոր սիրահարների օրը և իր սիրեցյալի ծննդյան օրը նշել արտասովոր եղանակով՝ քաղաքի հետիոտների համար նախատեսված գլխավոր կամրջի վրա տեղադրելով կենդանի ծաղիկների վիթխարի փունջ: Այդ մասին հաղորդել է Քուվեյթի «Al Barak» հեռուստաալիքը:
Ալ վարդերից հյուսված կարմիր սիրտը՝ կենտրոնում ռոմանտիկ մակագրությամբ, պետք է գրավեր միայն մի աղջկա ուշադրությունը, որն ամեն օր անցնում է մայրաքաղաքի՝ կամրջի տակով ձգվող գլխավոր ավտոմայրուղով: Սակայն սիրո այս խոստովանությունը բանուկ մայրուղում կուտակումների է հանգեցրել:
Այժմ Քուվեյթում «կամրջի սրտի» լուսանկարները գերազանցում են տարածաշրջանային սոցցանցերի բոլոր ռեկորդները, իսկ Քուվեյթի ճանապարհային ոստիկանությունը սպասում է, թե «խոստովանությունը», որը խախտել է մայրաքաղաքի ավտոմոբիային երթևեկության բնականոն աշխատանքը, երբ է վերջապես անհետանալու կամրջից:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
