«Ժնևի կոմյունիկեն պետք է քննարկվի ամբողջությամբ, ոչ թե ըստ առանձին կետերի». Լավրով
Աշխարհ
Ռուսաստանի արտաքին գործերի նախարար Սերգեյ Լավրովը փետրվարի 11-ին հայտարարել է, թե Սիրիայի կառավարությունը չի հրաժարվում Ժնևի կոմյունիկեի քննարկումից, բայց աննպատակահարմար է խոսել փաստաթղթի միայն առանձին կետերի մասին: Այս մասին հայտնում է ria.ru-ն:
Փետրվարի 10-ին Ժնևում մեկնարկել է միջսիրիական բանակցությունների, այսպես կոչված «Ժնև-2» խորհրդաժողովի երկրորդ փուլը, որի ընթացքում Սիրիայի կառավարության և ընդդիմության պատվիրակությունները փորձում են երկրում շարունակվող ռազմական հակամարտության քաղաքական լուծում գտնել:
Լավրովը հերքել է այն լուրերը, թե պաշտոնական Դամասկոսի պատվիրակությունն իբր հրաժարվում է քննարկել Ժնևի 2012 թվականի հունիսի 30-ի կոմյունիկեն:
«Դա ճիշտ չէ, եթե չասենք ավելի որոշակի, որ դա սուտ է, որովհետև կառավարությունը պատվիրակության ղեկավարի՝ արտաքին գործերի նախարար Վալիդ Մուալեմի շուրթերով ժնևյան գործընթացի առաջին փուլից հետո հայտարարեց, որ նա պատրաստ է քննարկելու ժնևյան կոմյունիկեի՝ առանց բացառության բոլոր դրույթները», - ասել է Լավրովը լրագրողներին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
