ԱՄՆ Արևմտյան շրջանի հանձնախումբը Հայոց հարցի պաշտպանության օրը կնշի ապրիլի 7-ին
Աշխարհ
Հայ դատի ԱՄՆ Արևմտյան շրջանի հանձնախումբն ապրիլի 7-ին' Հայոց հարցի պաշտպանության օրը, կանցկացնի օրվան նվիրված միջոցառումներ: Ինչպես հաղորդում է «Ասպարեզ» պարբերականը, այս տարի Հայոց ցեղասպանության 99-ամյա տարելիցին նվիրված միջոցառումներ կանցկացվեն ինչպես Կալիֆոռնիայի Սենատում, այնպես էլ Նահանգային ժողովում:
Դրան կհաջորդի Հայոց ցեղասպանության մասին բանաձևի քվեարկությունը:
«Բացի այն, որ Հայոց հարցի պաշտպանության օրը ոգեկոչում և հարգում են Հայոց ցեղասպանության ժամանակ բնաջնջված 1.5 միլիոն հայերի հիշատակը, այն նաև ծառայում է մեր համայնքի հզորացմանը»,-նշել է Հայ դատի ԱՄՆ Արևմտյան շրջանի հանձնախմբի գործադիր տնօրեն Էլեն Ասատրյանը:
Հիշեցնենք, որ Միացյալ Նահանգների հայությունը և Կալիֆոռնիա նահանգի օրենսդիր մարմինը 2002 թվականից ի վեր ամեն տարի համատեղ ոգեկոչում են Հայոց ցեղասպանության զոհերի հիշատակը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
