Գրական հերոսներին նվիրված յուրօրինակ թանգարանները. Forbes

Եթե զուգահեռներ տանենք հանրահայտ գրողներին նվիրված թանգարանների և գրական հերոսներին նվիրված թանգարանների միջև, ապա կնկատենք, որ գրական հերոսներին նվիրված թանգարաններն ողջ  աշխարհում անհամեմատ քիչ են: Որոշ հայտնի կերպարներ և հերոսներ, որոնց արկածային կամ դրամատիկ գործունեությունների ընթացքին ականատես ենք եղել մենք, ձեռք են բերել իրենց թանգարանները, որոնց էլ անդրադարձել է Forbes-ն այս անգամ:

Շերլոք Հոլմսի թանգարան

Այս թանգարանը աշխարհում ամենահայտնիներից մեկն է համարվում: Եթե վստահենք սըր Արթուր Կոնան Դոյլին, ապա Բեյքեր փողոցի № 221 B տանը 1881-ից 1904 թվականներին աշխատել և ապրել է հայտնի հետաքննիչ Շերլոք Հոլմսը: Թանգարանը կարողանում է այցելուների համար ստեղծել վիկտորիանական դարաշրջանի ոգին և հին ու բարի Անգլիայի մթնոլորտը:

Դոն Կիխոտի թանգարան

Թե որտեղ է Դոն Կիխոտի հայրենիքը, ոչ ոք չգիտի, քանի որ Սերվանտեսը, հատուկ նկատառումներից ելնելով, չի նշել բնակության վայրը: Ասպետը իր տուն-թանգարանը ձեռք է բերել տասը տարի առաջ՝ 1605 թվականին հրատարակված վեպի 400–ամյակին նվիրված միջոցառումից առաջ: Այս երկհարկանի առանձնատուն-թանգարանը, որը գտնվում է Կաստիլիայի ինքնավար մարզում, ամբողջովին համապատասխանում է Դոն Կիխոտի արկածային կյանքին: 

Քեռի Թոմի թանգարան

Հավանաբար չկա մեկ ուրիշ վեպ, որն այսքան ազդեցություն է ունեցել ԱՄՆ-ի վրա, ինչպես Գարիեթ Բիչեր-Սթոուի «Քեռի Թոմի խրճիթը» վեպը, որը հրատարակվել է ԱՄՆ քաղաքացիական պատերազմից (1861-1865) 9 տարի առաջ, որն էլ դարձավ ստրկության դեմ պայքարի գլխավոր պատճառը: Թոմի թանգարանը գտնվում է Կանադայում, որովհետև հենց այնտեղ է փախել Ջոշուա Հենսոնը, որի ծանր ճակատագիրն է ներկայացված Բիչեր-Սթոուի վեպում: 

Բարոն Մյունհաուզենի թանգարան

Աշխարհի ամենահայտնի սուտասան բարոնին նվիրված թանգարանը Դունտեսում բացվել է 2005 թվականին: Ինչպես ասում են թանգարանի կազմակերպիչները, այդտեղ Մյունհաուզենը անցկացրել է իր կյանքի լավագույն տարիները: Հենց այդտեղ է Մյունհաուզենը գտել իր ընտրյալին՝ կալվածատիրոջ դստերը՝ Յակոբինա ֆոն Դունտենին, որի հետ էլ ամուսնացել է 1744 թվականին: Մյունհաուզենի թանգարանը դարձել է Լատվիայի ամենակարևորագույն մշակութային վայրերից մեկը:

Վիլհելմ Թելլի թանգարան

Վիլհելմ Թելլի թանգարանը գրական հերոսներին նվիրված ամենահին թանգարաններից մեկն է: Շվեյցարացիների համար Թելլը ոչ միայն ազգային հերոս է, այլ ազատության և անկախության խորհրդանիշ, չնայած նրան, որ պատմաբանները հաճախ են կասկածի տակ առել նրա պատմական գոյության փաստը:

Թիլ Ուլենշպիգելի թանգարան

Ուլենշպիգելի թանգարանը գտնվում է «Գերմանիայի սրտում»: Այստեղ է 1300 թվականին ծնվել հայտնի Թիլ Ուլենշպիգելը: Ամեն տարի թանգարան են այցելում հազարավոր զբոսաշրջիկներ: Նրանք գալիս են այդտեղ, որպեսզի սեփական աչքերով տեսնեն միջնադարյան կենցաղի առարկաներ և հասկանան, թե ինչ դեր է խաղացել իրենց կյանքում Շառլ դե Կոստերի վեպը: 

Արքայազն Գենձիի թանգարան

Ճապոնական Դոն Ժուան վեպի արկածների մասին գրվել է սյոգունների իշխանության գալուց շատ ավելի վաղ՝ 10-րդ դարի վերջին: Ստեղծագործության հեղինակը համարվում է Մուրասակի Սիկիբուին: Իր վեպի գլխավոր հերոսը Գենձի արքայազնն է, որը ապրում էր դատարանում և կայսրի ապօրինի որդին էր: Գենձին մեծ ազդեցություն է ունեցել ճապոնական գեղագիտության և մշակույթի զարգացման վրա: Այդտեղ ներկայացված է հարուստ ցուցանմուշներ, որոնք պատմում են Հեյանի դարաշրջանի դատական կյանքի մասին, երբ Ճապոնիայի գլխավոր իրադարձությունները տեղի էին ունենում Կայսերական պալատում:

Դոկտոր Ֆաուստի թանգարան

Դոկտոր Ֆաուստի դերը մեծ է ոչ միայն գերմանական, այլև համաշխարհային գրականության մեջ: Ստեղծագործությունը այն մարդու մասին է, ով իր հոգին սատանային է վաճառում: Այնտեղ գտնվում են հետաքրքիր առարկաներ, որոնք թույլ կտան ծանոթանալ դժբախտ բժիշկի կյանքի մանրամասներին: Ցուցանմուշների մեծ մասը նվիրված է Ֆաուստի երաժշտական թեմային, ֆիլմին: Իսկ թանգարանից քիչ հեռու Լատինական հին դպրոցի շենքի մոտ գտնվում է Ֆաուստի ամբողջական արխիվը:

Փոքրիկ Իշխանի թանգարան

Պարզ չէ, թե ինչու հենց Tokyo Broadcasting System Television ճապոնական ընկերությունը ստեղծեց թանգարան՝ նվիրված Անտուան դը Սենտ Էքզյուպերիի ամենահայտնի գրական հերոսին՝ Փոքրիկ Իշխանին, բայց որոշ գրականագետներ կարծում են, որ դա կապված է այն բանի հետ, որ Փոքրիկ Իշխանը ինչ–որ չափով նման է ծագող արևի երկրի բնակիչներին: 1999 թվականին Տոկիոյում բացվեց Փոքրիկ Իշխանին նվիրված թանգարանը: Թանգարան մտնելիս հայտնվում ենք պատերազմական Պրովանսում կամ Փարիզում: Ցուցանմուշների մեծ մասը նվիրված է Սենտ Էքզյուպերիի ստեղծագործական կյանքին: