Ուզբեկստանում ձերբակալվել է նախագահի դստեր «աջ ձեռքը»՝ Գայանե Ավագյանը
Աշխարհ
Ուզբեկստանում մի քանի մարդու են ձերբակալել երկրի նախագահի դստեր՝ Գյուլնարա Քարիմովայի ամենամերձավոր շրջապատից: Այս մասին հայտնում է Ուզբեկստանի Գլխավոր դատախազության կայքը:
Ինչպես ասված է հաղորդագրության մեջ, «իրականացվել է» Ռուստամ Մադումարովի, Գայանե Ավագյանի և Եկատերինա Կլյուևայի «բռնաբերում»: Հաղորդագրության մեջ նաև ճշտված է, որ նրանք անցնում են Terra Group, Prime Media, Gamma Promotion և այլ ընկերությունների դեմ քրեական գործով, որոնք մեղադրվում են հարկերի չվճարման և ֆինանսական այլ հանցագործությունների մեջ:
Ռուստամ Մադումարովը, ում Ուզբեկստանի զանգվածային լրատվամիջոցները համարում են Գյուլնարա Քարիմովայի քաղաքացիական ամուսինը, գործարար է և խանութների ցանցի սեփականատեր: Գայանե Ավագյանին տեղական ԶԼՄ-ներում համարում են Քարիմովայի «աջ ձեռքը»:
2012 թվականին Գայանե Ավագյանի անունը զանգվածային լրատվամիջոցներում հիշատակվել է՝ կապված բազմամիլիոնանոց կաշառքների գործի հետ, որոնց տալու մեջ կասկածել են TeliaSonera շվեդա-ֆիննական հեռահաղորդակցական ընկերությանը: Ինչպես հաղորդվել է շվեդական մամուլում, փողերը փոխանցվել են Takilant Limited ընկերությանը, որը վերահսկում էր Ավագյանը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
