Ըստ ռուս և ամերիկյան փորձագետների՝ Սիրիայում զինված ապստամբների թիվը գերազանցում է 100.000-ին

Ռուսաստանի Դաշնության զինված ուժերի գլխավոր շտաբի տվյալներով Սիրիայում հակակառավարական խմբավորումներում ընդգրկված անձանց թիվը կազմում է 110 -120 հազար: Այս մասին հայտնում է սիրիական ՍԱՆԱ գործակալությունը:

Սիրիայի ընդդիմության շարքերում ընդգրկված են 75 -115 հազար ապստամբներ, այդ թվում՝ 26 հազարը ջիհադիստական խմբավորումների անդամներ են: Տեղեկություններ կան, որ ծայրահեղական խմբավորումներում կռվում են մինչև 7 հազար արտասահմանցի զինյալներ, որոնք Սիրիա են մտել Եվրոպական և մերձավորարևելյան մոտ 50 երկրներից:

Ընդ որում, տեղեկություններ կան, որ Սաուդյան Արաբիան ուղարկել է 12 հազար զինյալ, որոնցից 4 հազարը սպանվել են:

Մոսկվային առավել մտահոգում է արտասահմանցի ապստամբների թվի աճը: Ռուս փորձագետների գնահատմամաբ այս ապստամբները առավել վտանգ են ներկայացնում այլ երկրների համար: Եթե նրանց թվի աճը պահպանվի, ապա Սիրիան կարող է գերազանցել Աֆղանստանի ցուցանիշը: