Կաշառակերության մեջ մեղադրվող՝ ՊՆ Երևանի կայազորի զինվորական հոսպիտալի հոգեբուժական բաժանմունքի պետ Վաղինակ Հովհաննիսյանի հայտարարությունը

Հայտնում եմ, որ ԶԼՄ-ներում տարբեր կերպ շրջանառվող տեղեկությունները, թե, իբր, ինձ` Վաղինակ Հովհաննիսյանիս, «ձերբակալել են կաշառք վերցնելու պահին», չեն համապատասխանում իրականությանը: Իսկ «ևս մեկ կաշառակեր հայտնվեց ճաղերի ետևում»-ի տիպի արտահայտությունները մամուլում նպատակ են հետապնդում արատավորելու իմ բարի անունն ու համբավը:

Մի կողմ թողնելով այն, որ ինձ առաջադրված մեղադրանքն ամբողջությամբ շինծու է, նման հրապարակումները խախտում են ՀՀ Սահմանադրությամբ ամրագրված անմեղության կանխավարկածը:

Համոզված եմ՝ գործի քննությունը կտա բոլոր հարցերի պատասխանները, իսկ այս պահի դրությամբ ինձ ընդամենը առաջադրվել է կաշառք վերցնելու մեղադրանք, ընդ որում, որևէ կերպ չհիմնավորված:

Վաղինակ Հարությունյան,
ՀՀ ՊՆ Երևանի կայազորի զինվորական հոսպիտալի
հոգեբուժական բաժանմունքի պետ,
բժշկական ծառայության մայոր