Չինաստանն Ուկրաինայի հակամարտության բոլոր կողմերին քաղաքական լուծման կոչ է անում

Չինաստանն Ուկրաինայում հակամարտության մեջ ներգրավված բոլոր կողմերին զսպվածության և խնդիրների քաղաքական լուծման կոչ է անում: Այս մասին հայտնել է ՏԱՍՍ-ը՝ վկայակոչելով Չինաստանի ԱԳՆ ներկայացուցչին:

«Մենք հարգում ենք Ուկրաինայի ինքնիշխանությունը և տարածքային ամբողջականությունը: Ինչ վերաբերում է ներկա իրավիճակին՝ Չինաստանը հուսով է, որ բոլոր կողմերը կկարողանան պահպանել հրադադարի ռեժիմի պայմանները, զսպվածություն և հանգստություն՝ շարունակելով երկխոսության և խորհրդատվության միջոցով վերացնել առկա տարաձայնությունները, համատեղ նպաստել Ուկրաինայի ճգնաժամի քաղաքական լուծման գործընթացին»,- ասել է ներկայացուցիչը: