Վրաստանի վարչապետն Ալասանիայի կուսակցությանը մեղադրել է սաբոտաժի մեջ
Աշխարհ
Վրաստանի վարչապետ Իրակլի Ղարիբաշվիլին նոյեմբերի 5-ին սաբոտաժի մեջ է մեղադրել պաշտոնաթող աված պաշտպանության նախարար Իրակլի Ալասանիայի «Մեր Վրաստանը- ազատ դեմոկրատներ» կուսակցությանը, որը մտնում է կառավարող «Վրացական երազանք» կոալիցիայի կազմի մեջ, տեղեկացնում է «Արմենպրես»-ը՝ հղում անելով «Նովոստի Գրուզիա»-ին:
«Կաբինետի անդամների ցուցադրական պաշտոնաթողությունն սպառնալիքի տակ է դնում պետությունը և սաբոտաժի է նմանվում»,-հայտարարել է Ղարիբաշվիլին Թբիլիսիում կայացած արտակարգ ճեպազրույցի ժամանակ:
Ալասանիայի պաշտոնաթողությունից հետո պետական պաշտոնները լքելու իրենց որոշման մասին հայտարարել են նրա թիմի անդամները՝ եվրոպական և եվրատլանտյան ինտեգրման հարցերով պետնախարար Ալեքսի Պետրիաշվիլին և ԱԳ նախարար Մայա Փանջիկիձեն բոլոր տեղակալների՝ Դավիդ Զալկալիանիի, Թամարա Բերուչաշվիլիի, Վլադիմիր Գուրգենիձեի և Դավիթ Ջալաղանիայի հետ. վերջինս պաշտոնական այցով դեռ գտնվում է Կուբայում:
Ղարիբաշվիլիի խոսքով՝ Ալասանիայի կուսակցության անդամներն իրենց հայտարարություններով սպառնալիք են ստեղծում Վրաստանի անվտանգության համար:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
