«Վրաստանը «մայդանի» եզրին է, որին երկիրը չի դիմանա». Բուրջանաձե

Վրաստանի խորհրդարանի նախկին խոսնակ Նինո Բուրջանաձեն այն կարծիքին է, որ երկիրը նոր հեղափոխության եզրին Է, որը կփորձեն կազմակերպել նախկին նախագահ Միխեիլ Սահակաշվիլիի կողմնակիցները, տեղեկացնում է «Արմենպրես»-ը՝ հղում անելով «Նովոստի Գրուզիա»-ին:

«Վրաստանում շատ լուրջ քաղաքական ճգնաժամ է: Եվ դա զարմանալի չէ, որովհետև Սահակաշվիլին ընդունեց խորհրդարանական հանրապետության մոդելը, որին մեր երկիրը բացարձակապես պատրաստ չէ: Այժմ «Վրացական երազանքը» կորցրել Է մեծամասնությունը խորհրդարանում և առանց Սահակաշվիլիի «Ազգային շարժման» նրանք չեն կարող որևէ որոշում ընդունել»,-«Գոլոս Ռոսիի» ռադիոյի եթերում ասել Է «Ժողովրդավարական շարժում-Միասնական Վրաստան» ընդդիմադիր շարժման առաջնորդ Նինո Բուրջանաձեն:

Նրա կարծիքով՝ Սահակաշվիլիի կուսակցությունը կփորձի վերդարձնել իշխանությունը՝ օգտագործելով հակառուսական կարգախոսներ:

Բուրջանաձեչն չի բացառել, որ «Միասնական ազգային շարժումը» և Սահակաշվիլին կփորձեն Վրաստանում նոր հեղափոխություն խաղարկել ուկրաինական մայդանի սցենարով: Քաղաքական գործիչը վստահ Է, որ այդ հեղափոխությունը կարող Է դառնալ վրացական պետականության վերջը:

«Վրաստանը չի դիմանա ևս մեկ ցնցման: Մենք տեսնում ենք՝ ինչ տեղի ունեցավ Ուկրաինայում. երկիր որպես այդպիսին, արդեն չկա, և այնպիսի Ուկրաինա, որպիսին նա եղել Է, ցավոք այլևս երբեք չի լինի: Եվ դա շնորհիվ այն քաղաքական գործիչների, որոնք միանշանակ արևմտամետ դրոշ պարզեցին, ինչպես Սահակաշվիլին»,-հավելել Է Բուրջանաձեն: