Բեռլինալեում FIPRESCI մրցանակի է արժանացել Ջաֆար Փանահիի «Տաքսի» ֆիլմը
Գիտություն և Մշակույթ
Բեռլինյան կինոփառատոնում կինոքննադատների FIPRESCI միջազգային ֆեդերացիայի մրցանակի է արժանացել իրանցի ռեժիսոր Ջաֆար Փանահիի «Տաքսի» ֆիլմը: Ինչպես տեղեկացնում է «Արմենպրես»-ը՝ վկայակոչելով ՏԱՍՍ գործակալությունը, մրցանակի հանձնման արարողությունը կայացել է ուրբաթ երեկոյան: «Տաքսի» կինոնկարը Ջաֆար Փանահիի արդեն երրորդ աշխատանքն է, որը նա պատրաստել է այն դեպքից հետո, երբ Իրանի իշխանությունները վերջինիս դատապարտել էին հակակառավարական գործունեության համար:
«Տաքսի» ֆիլմում Փանահին ներկայանում է գործազուրկ տաքսիստի կերպարով, որում շատ ուղևորներ ճանաչում են ամենահայտնի իրանցի ռեժիսորներից մեկին: «Ֆորում» ծրագրում կինոքննադատների մրցանակ է ստացել իտալացի ռեժիսոր Ֆրանչեսկո Կլերիչիի «Ժեստերի լեզուն», իսկ «Պանորամա» ծրագրում ՝ Համեդ Ռաջաբիի «Աննշան ցատկ ներքև» կինոնկարը: Եվրոպական քննադատների ասոցիացիայի մրցանակը ստացել է Օլե Գյավերի «Բնությանը դեմ» ֆիլմը:
65-րդ բեռլինյան փառատոնն անցկացվում է փետրվարի 5-15-ը: Գլխավոր մրցանակի դափնեկիրները հայտնի կդառնան շաբաթ երեկոյան: Ժյուրիի ղեկավարն է ռեժիսոր Դարեն Արոֆոնսկին:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
