Որոշ հանցագործություններ ղեկավարվում են հենց քրեակատորղական հիմնարկներից.Գ. Բաղդասարյան
Իրավունք
2012թ-ի պետական բյուջեի նախագծի Ազգային Ժողովի հանձնաժողովներում քննարկման ժամանակ ՕԵԿ խմբակցության անդամ Գագիկ Բաղդասարյանը հարցով դիմեց Արդարադատության նախարար Հրայր Թովմասյանին` թե արդյո՞ք հաջորդ տարի նախարարությունը շարունակելու է քրեակատորղական հիմնարկներում բջջային հեռախոսները խլացնող սարքերի տեղադրումը:
«Իմ խորին համոզմամբ դա սաստում է քրեական իրավիճակը, քանի որ բոլորիս հայտնի է, որ որոշակի հանցագործությունները տեխնիկապես զինված լինելու շնորհիվ ղեկավարվում են հենց քրեակատորղական հիմնարկներից»,- իր կարծիքը հայտնեց Գ.Բաղդասարյանն ու հետաքրքրվեց` 2012թ-ի պետբյուջեով համապատասխան ֆինանսավորում լինելու է այդ միջոցառումները շարունակելու համար , թե ոչ:
Հ.Թովմասյանը տեղեկացրեց, որ գործընթացը փորձարկման արդեն վերջին փուլ է մտել, բայց խոսքը միայն Նուբարաշեն և Կոշ ՔԿՀ-ին է վերաբերում: Ու արվել են ոչ թե բյուջետային միջոցների, այլ VIVA CELL-ի կողմից նվիրատվության կարգով տրված սարքավորումներով:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
