ԱՄՆ-ի պետդեպն անդրադարձել է Հայոց ցեղասպանության ճանաչման հարցին
Աշխարհ
ԱՄՆ-ի Պետդեպարտամենտի խոսնակի պաշտոնակատար Մարի Հարֆը լրագրողների հետ ամենօրյա ճեպազրույցի շրջանակում անդրադարձել է պաշտոնական Վաշինգտոնի կողմից Հայոց ցեղասպանության ճանաչման թեմային: Այս մասին նշվում է Պետդեպի կայքում:
«Ավստրիան, Գերմանիան ու Սերբիան պատրաստվում են մինչև շաբաթվա վերջ ճանաչել Հայոց ցեղասպանությունը: Գերմանիայի կանցլեր Անգելա Մերկելն արդեն հայտնել է իր աջակցությունը: Ի՞նչ եք կարծում, նման զարգացումները, այսինքն` եվրոպական դաշնակիցների կողմից ճանաչումը, որևէ կերպ կանդրադառնա՞ Վաշինգտոնի դիրքորոշման վրա»,- հարցրել է լրագրողը, ինչին ստացել է հետևյալ պատասխանը.
«Այս թեմայի շուրջ որևէ նոր ասելիք չունեմ: Մենք շատ հստակ ենք ներկայացրել մեր դիրքորոշումը տվյալ հարցի շուրջ»:
Չբավարարվելով նման պատասխանով` լրագրողը փորձել է Հարֆից պարզել, թե արդյո՞ք ԱՄՆ-ի վարչակազմի վրա Հայոց ցեղասպանության ճանաչման հարցում որևէ այլ պետություն ճնշում է գործադրում: Սակայն Պետդեպի ներկայացուցիչը կրկին խուսափողական պատասխան է տվել` ասելով, որ «ինքը ոչինչ չգիտի»:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
