Ադրբեջանում մի հարցման արդյունքներով մարդկանց 90 տոկոսը ցանկանում է հեռանալ երկրից
Աշխարհ
Ադրբեջանում դեռևս մեկ տարի առաջ անցկացված մի հարցման արդյունքներով' հարցման մասնակիցների 90 տոկոսը ցանկություն է հայտնել բնակվել այլ երկրում:
Ինչպես հաղորդում է «Արմենպրես»-ը, այս մասին հայտնում է virtualaz.org կայքը' նշելով, որ հարցումն անցկացրել է իշխանությունների ճնշման տակ ներկայումս գործունեությունը դադարեցրած լրատվական կայքերից մեկը:
«Ո՞ր երկրում կցանկանայիք բնակվել» հարցով ինտերակտիվ հարցման մասնակիցների 89 տոկոսից ավելին ցանկություն է հայտնել բնակվել արտասահմանյան որևէ երկրում, բայց ոչ Ադրբեջանում:
Հարցումը կայքից հանվել էր' մասնակիցների թիվը 500-ի հասնելուց հետո, երբ ակնհայտ էր դարձել արդյունքների' իշխանությունների համար խայտառակ պատկերը:
Հարցման մասնակիցների միայն 9 տոկոսը, այսինքն' 500-ից միայն 47 հոգին էր ցանկություն հայտնել շարունակել բնակվել Ադրբեջանում:
Կայքը հայտնում է, որ հարցման գրեթե բոլոր մասնակիցները կրթություն ստացած մարդիկ են, քանի որ կարողացել են օգտվել ինտերնետից:
Հարցման արդյունքներից պարզ է դարձել, որ ադրբեջանցիների 90 տոկոսը ցանկանում է հեռանալ երկրից Ադրբեջանում կյանքի պայմանների վատ լինելու, իշխանությունների ապօրինություններին ու կամայականություններին չդիմանալու, օրենքները ոտնահարվելու, կոռուպցիան համատարած լինելու պատճառով, գրում է կայքը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
