Եթովպիայում ի պաշտպանություն քրիստոնյաների ակցիայի ժամանակ 100 մարդ է ձերբակալվել
Աշխարհ
Ադիս Աբեբայի ոստիկանությունն առնվազն 100 մարդու է ձերբակալել Լիբիայում եթովպացի քրիստոնյաների մահապատիժների դեմ ցույցի ժամանակ, որին տասնյակ հազարավոր մարդիկ են մասնակցել: Այս մասին հայտնում է «Ալ-Ջազիրա» հեռուստաալիքը:
Հաղորդվում է, որ չնայած իշխանություններն աջակցել են բողոքի ակցիային՝ ակցիայի որոշ մասնակիցներ իրենց կատաղությունն ուղղել են կառավարության դեմ: Նրանք իշխանության ներկայացուցիչների վրա քարեր են նետել, ինչից հետո ոստիկանությունը արցունքաբեր գազ է կիրառել:
«Եթովպիան զորքեր է ուղարկել Սոմալի, Լիբերիա և Բուրունդի, բայց կառավարությունն ունակ չէ պաշտպանել իր քաղաքացիներին»,- հեռուստաալիքը մեջբերում է ցուցարարներից մեկի խոսքերը:
Մեկ այլ ականատես` մահապատժի ենթարկված քրիստոնյաներից մեկի մայրը, հեռուստաալիքին հայտնել է, որ հուսով է` կառավարությունը վերջ կտա սահմանի անօրինական հատմանը: Հեռուստաալիքի հաղորդմամբ` «Իսլամական պետություն» արմատական իսլամիստական խմբավորումը կարող էր իր զոհերին գերի վերցնել անօրինաբար Լիբիայով Եվրոպա հասնելու նրանց փորձի ժամանակ:
Կիրակի օրը ԻՊ-ի գրոհայինները նոր տեսանյութ են հրապարակել, որում Լիբիայում իր դաշնակից միավորումները մահապատժի են ենթարկում եթովպացի քրիստոնյաների: 29-րոպեանոց տեսանյութում ցուցադրվում է մոտ 30 մարդու մահապատիժը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
