Ինչ են խոսում Հայոց ցեղասպանության մասին մեկ դար անց. Deutsche Welle-ի ֆոտոռեպորտաժը (լուսանկարներ)
Աշխարհ
Հարյուր տարի առաջ Օսմանյան կայսրությունում սկսվեցին հայ քրիստոնյաների զանգվածային սպանությունները: Ժամանակակից Թուրքիայում այդ հանցագործությունն այսօր էլ հրաժարվում են ցեղասպանություն կոչել, չնայած աշխարհում, ավելի շատ մարդիկ օգտագործում են հենց այս բառը, գրում է Deutsche Welle-ն:
Հռոմի պապ Ֆրանցիսկոսը Հայոց ցեղասպանությունն անվանել է 20-րդ դարի առաջին ցեղասպանություն: Պատասխանելով Թուրքիայի կտրուկ քննադատությանը` նա նշել է. «Լռել այն մասին, ինչ մենք տեսել ենք ու լսել, չենք կարող»:
Թուրքական իշխանությունները շարունակում են կտրականապես ժխտել ցեղասպանության փաստը: Սակայն վերջերս Անկարան քայլ է արել: Վարչապետ Ահմեթ Դավութօղլուն ցավակցություն է հայտնել հետևյալ խոսքերով` «Մենք կիսում ենք այն հայերի զավակների և թոռների ցավը, ովքեր մահացել են 1915-ի տարհանման ժամանակ»: «Ցեղասպանություն» բառը չի հնչել:
ՄԱԿ-ի գլխավոր քարտուղար Պան Գի Մունը Հայաստանին և Թուրքիային իր միջնորդական ծառայություններն է առաջարկել: 100-ամյա դեպքերի մասին նա խոսել է` ասելով «վայրագություններ» և «մարդկության դեմ ոճրագործություն»:
Գերմանիայի կանցլեր Անգելա Մերկելը համաձայնել է նրանց հետ, ովքեր հայերի սպանություններն անվանում են «ցեղասպանություն»: Իսկ ահա նրա գործընկեր, արտգործնախարար Ֆրանկ- Վալտեր Շտայնմայերն ավելի զգույշ է գտնվել, նա չի օգտագործել «ցեղասպանություն» բառը: Թեև նրանց դիրքորոշումները համաձայնեցված են:
Չի շրջանցել 100-ամյա տարելիցը նաև ԵԽ-ն: Իրենց հայտարարությունում խորհրդարանականները կոչ են արել Թուրքիային ճանաչել Հայոց ցեղասպանությունը:
Հայաստանը «Եվրատեսիլ» երգի մրցույթում կերգի «Մի՛ մերժիր» երգը: Շոուն քաղաքական չէ, սակայն երկիրն այնտեղ կներկայացնեն 6 երգիչներ` սփյուռքից և Հայաստանից` կատարելով քաղաքական ենթատեքստով երգ, գրում է աղբյուրը:
«Եթե Թուրքիան իրեն այսքան համառ չպահեր այս հարցում, ապա կարող էր արագացնել իր մուտքը ԵՄ»,- կարծում է Գերմանիայում արամեականների դաշնային միության ղեկավար Դանիել Դեմիրը:
Մեծ հետաքրքրություն է առաջացրել ՌԴ նախագահ Վլադիմիր Պուտինի այցը Երևան: Ապրիլի 24-ի հիշատակի միջոցառումների շրջանակում նա հնարավոր է հանդիպի Ֆրանսիայի նախագահ Ֆրանսուա Օլանդի հետ:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
