Մերկելը «կառուցողական» բանակցություններ է վարել Հունաստանի վարչապետի հետ

Եվրոյի գոտին պետք է հնարավոր ամեն ինչ անի՝ խուսափելու նախքան միջազգային օգնության շուրջ պայմանավորվածության հասնելը Հունաստանում իրացվելիության անբավարարությունից: Այդ մասին, ինչպես տեղեկացնում է «Արմենպրես»-ը, հայտարարել է Գերմանիայի կանցլեր Անգելա Մերկելը, ամփոփելով Բրյուսելում ԵՄ-ի գագաթնաժողովի շրջանակներում Հունաստանի վարչապետ Ալեքսիս Ցիպրասի հետ կայացած հանդիպման արդյունքները:

«Հարկավոր է հնարավոր ամեն ինչ անել, որպեսզի խուսափենք դրանից»,- ասել է նա՝ պատասխանելով այն հարցին, թե որքան է մեծ այն ռիսկը, որ Հունաստանը ֆինանսական ռեսուրսներ չի ունենա նախքան օգնության տրամադրման շուրջ միջազգային վարկատուների հետ նոր համաձայնության ձեռքբերումը:

Ինչպես նշում է ՏԱՍՍ-ը, Մերկելը «կառուցողական» է համարել Ցիպրասի հետ բանակցությունների արդյունքները, բայց հրաժարվել է մեկնաբանել մանրամասները՝ պատճառաբանելով դրանց գաղտնիությունը պահպանելու պայմանավորվածությունը: