Նազարբաևը վերընտրվել է նախագահական ընտրություններում՝ ստանալով ձայների 97.7%-ը

Ղազախստանի գործող նախագահ, 74-ամյա Նուրսուլթան Նազարբաևը վերընտրվել է արտահերթ նախագահական ընտրություններում, որոնք անցկացվել են ապրիլի 26-ին: Այս մասին հայտնում է vesti-ukr.com-ը:

Նազարբաևի թեկնածության օգտին քվեարկել է ընտրությանը մասնակցած քաղաքացիների 97.7 տոկոսը:

ԿԸՀ-ի հայտարարության համաձայն՝ ընտրության պաշտոնական արդյունքները կհրապարակվեն բոլոր արձանագրությունների մշակումից հետո: Համաձայն օրենսդրության՝ դա տեղի կունենա մինչև մայիսի 3-ը:

Կոմունիստ թեկնածու Թուրգուն Սըզդըկովը և ինքնառաջադրված Աբելգազի Կուսաինովը ստացել են ձայների 1.6%-ն ու 0.7 %-ը՝ համապատասխանաբար: