Բուլղարիայի դեսպանը Հայոց ցեղասպանության մասին որոշման պատճառով Թուրքիայի ԱԳՆ է կանչվել

Թուրքիայում Բուլղարիայի դեսպանը կանչվել է Արտաքին գործերի նախարարություն, որտեղ նրան տեղեկացրել են, որ ապրիլի 24-ին «1915-ի դեպքերի վերաբերյալ» երկրի խորհրդարանի կողմից ընդունված բանաձևը բացասական հետք է թողնելու երկու երկրների հարաբերությունների վրա: Այդ մասին տեղեկացնում է թուրքական արտաքին քաղաքական գերատեսչության կայքը:

ԱԳՆ-ի հայտարարության մեջ նշվել է, թե 1915-ի իրադարձությունների հետ կապված Բուլղարիայի խորհրդարանի կողմից ընդունված որոշումը ցույց տվեց Թուրքիայի հանդեպ ոչ բարեկամական վերաբերմունքը, ինչը բացասական հետք է թողնելու երկկողմ հարաբերությունների վրա: