Եթե մարդկությունը չլքի Երկիրն առաջիկա 1000 տարվա ընթացքում, ապա նրա վերջը կգա. Սթիվեն Հոքինգ
Աշխարհ
Անմխիթար կանխատեսում է արել Սթիվեն Հոքինգը Սիդնեյի օպերային թատրոնում ելույթի ժամանակ, գրում է The Independent-ը:
Աստղաֆիզիկոսը վստահ է, որ եթե մարդկությունը չլքի Երկիրն առաջիկա 1000 տարվա ընթացքում, ապա նրա վերջը կգա։
Հարկ է նշել, որ անձամբ Սթիվենն այդ ժամանակ եղել է Քեմբրիջի համալսարանում, իսկ նրա անունից ելույթ է ունեցել հոլոգրաման:
«Հանուն մարդկության մենք պետք է շարունակենք տիեզերքի ուսումնասիրությունը։ Կասկածում եմ, որ մարդկությունը կարող է ողջ մնալ, եթե առաջիկա 1000 տարում չլքի մեր փխրուն մոլորակը»,- նշել է գիտնականը:
Նա նաև հիշատակել է ժամանակի կառուցվածքի, Տիեզերքի և նրանում սև խոռոչների մասին:
«Փորձե՛ք գիտակցել տեսած ամեն ինչ, հետաքրքրվե՛ք այն պատճառներով, որոնցով Տիեզերքը գոյություն ունի: Եղե՛ք հետաքրքրասեր և հիշե՛ք, որ որքան էլ բարդ լինի կյանքը, միշտ էլ կա մի բան, որտեղ կարելի է հաջողության հասնել»,- ասել է Հոքինգը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
