ՄԱԿ-ն 15 մլն դոլար կտրամադրի Նեպալին

ՄԱԿ-ը 15 մլն դոլարի օգնություն կուղարկի Նեպալում երկրաշարժից տուժածներին: Այս մասին ասվում է կազմակերպության պաշտոնական կայքում:

Հաղորդագրությունում հստակեցվում է, որ միջոցները կհատկացվեն կազմակերպություններին, որոնք օգնում են տուժածներին ապահովել կացարանով, դեղորայքով, ջրով ու սննդով:

7.8 մագնիտուդով երկրաշարժը տեղի էր ունեցել ապրիլի 25-ին: Զոհվել է ավելի քան 5000 մարդ, ևս շուրջ 10 հազարը վնասվածքներ են ստացել։ Աղետի գոտում ավերվել է ենթակառուցվածքը, չկա կապ և էլեկտրականություն: