Բալթիմորում ոստիկանությունը ծխանռնակներ է կիրառել ցուցարարների դեմ

Բալթիմորում ոստիկանները ծխանռնակներ են նետել պարետային ժամը չպահպանած ցուցարարների ուղղությամբ. փոխանցում է Associated Press-ը:

Նշվում է, որ ցուցարարները վերցրել են դրանք գետնից և նետել հետադարձ ուղղությամբ՝ ոստիկանների կողմը: Նոր ձերբակալությունների կամ լուրջ վնասվածքների մասին չի հաղորդվում:

Ավելի վաղ հաղորդվել էր, որ ակտիվիստները «կենդանի վահան» են դարձել ոստիկանների ու ցուցարարների միջև:

Մերիլենդի նահանգապետ Մարի Հոգանը հայտարարել էր, որ գիշերվա ընթացքում քաղաքում կարգուկանոն կպահպանի 1000 ոստիկան և Ազգային գվարդիայի 2000 մարտիկ: Մինչ այդ հաղորդվել էր 250 մարդու ձերբակալության մասին: Վնասվածքներ էր ստացել 20 ոստիկան:

Մերիլենդի կոնգրեսական Քրիս Վան Հոլենն ԱՄՆ-ի նորանշանակ գլխավոր դատախազ Լորետա Լինչին կոչ է արել այցելել Բալթիմոր քաղաք, որտեղ սևամորթ տղամարդու մահվան հետ կապված զանգվածային անկարգություններ են տեղի ունենում: