Հռոմի պապը «խայտառակություն» է անվանել տղամարդկանց և կանանց աշխատավարձերի միջև տարբերությունը
Աշխարհ
Հռոմի պապ Ֆրանցիսկոսը «խայտառակություն» է անվանել այն փաստը, որ կանայք տղամարդկանցից քիչ են վաստակում: Այս մասին քահանայապետը հայտնել է Հռոմի Սուրբ Պետրոսի հրապարակում հավաքված ամբոխին ուղղված ուղերձում, հաղորդում է La Repubblica-ն:
«Ինչո՞ւ այն, որ կանայք պետք է տղամարդկանցից քիչ վաստակեն, ինքնըստինքյան նորմալ է համարվում: Ո’չ: Նրանք ունեն միևնույն իրավունքները: Այդ տարբերությունն ամենաիսկական խայտառակությունն է»,- ասել է Հռոմի պապը:
Ըստ քահանայապետի՝ քրիստոնյաները պետք է «վճռորոշ կերպով» աջակցեն հավասար աշխատանքի դիմաց հավասար աշխատավարձի սկզբունքին:
Ֆրանցիսկոսը նաև քննադատել է այն մարդկանց, ովքեր կարծում են, որ աշխատող կանայք են մեղավոր ընտանեկան ավանդական մոդելների ճգնաժամում: Նրա խոսքով՝ այդ դիրքորոշումը ևս սեռականության դրսևորումներից է և տղամարդկանց՝ կանանց իշխելու ձգտումը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
