Նեպալում փլատակներից դուրս են բերել ողջ մնացած 4 ամսական երեխայի (լուսանկարներ)

Նեպալում փրկարարները կարողացել են փլատակներից դուրս բերել ողջ մնացած 4 ամսական տղայի: Այս մասին հայտնում է Daily Mail-ը:

Փոշածածկ երեխային փլատակների տակից գտել էին փրկարարները, երբ լսել էին նրա լացի ձայնը:

Զինվորականները որոնողական աշխատանքներ էին տանում Կատմանդուում` Բհակտապուրում գտնվող երեխայի տան մերձակայքում` հուսալով գտնել փոքրիկին: Հենց երեխայի ձայնն էլ նրանց օգնել էր փլատակների միջից դուրս բերել վերջինիս` 7.8 մագնտուդ ուժգնությամբ երկրաշարժի առաջին ցնցումներից 22 ժամ անց:

Սոնիթ Ավալ անունով երեխայի վիճակը գնահատվում է կայուն, հայտնում է Kathmandu Today-ը:

Երեխայի ծնողների մասին տեղեկություններ չկան: