Սիրիայի ընդդիմությունը հաղորդել է Իդլիբում քիմիական հարձակման մասին

Սիրիական ընդդիմադիր և ակտիվիստական խմբերը չորեքշաբթի հաղորդել են երկրի հյուսիսարևմտյան Իդլիբ շրջանում ևս մեկ ենթադրյալ քիմիական հարձակման մասին: Խմբերից մեկը հաղորդել է տասնյակ «խեղդվող» մարդկանց մասին, տեղեկացնում է The New York Times-ը:

Իդլիբում գտնվող մի քանի խմբերի հաղորդմամբ` կառավարական ուղղաթիռները քլորին պարունակող առնվազն երկու բարելային ռումբ են նետել Սարաքեբ քաղաքի վրա:

Մարդու իրավունքների սիրիական ցանցը հայտնել է, որ 12 մարդ «խեղդվում է»:

Գործակալությունը նշում է, որ հնարավոր չի եղել ստուգել տեղեկությունները: