Կիմ Չեն Ընը և Օլանդը չեն գա Մոսկվա՝ ներկա լինելու Հաղթանակի զորահանդեսին

ԿԺԴՀ-ի առաջնորդ Կիմ Չեն Ընը չի գա Մոսկվա՝ ներկա լինելու Հաղթանակի զորահանդեսին: Այդ մասին, ինչպես տեղեկացնում Է «Արմենպրես»-ը՝ հղում անելով ՌԻԱ Նովոստիին, հայտնել Է Ռուսաստանի նախագահի մամուլի քարտուղար Դմիտրի Պեսկովը:

«Կիմ Չեն Ընը որոշեց մնալ Փենյանում, նա չի կարողանա ներկա լինել, դիվանագիտական կապուղիներով մեզ փոխանցվել Է այդ որոշումը, ինչը կապված Է ներկորեական գործերի հետ»,- ասել Է Պեսկովը:

Նա հավելել Է, որ Ֆրանսիայի նախագահ Ֆրանսուա Օլանդը նույպես չի պլանավորում մայիսի 9-ին այցելել Մոսկվա: «Որքան մեզ հայտնի Է, նա այլ ուղևորություններ ունի»,- պարզաբանել Է մամուլի քարտուղարը:

Պեսկովի խոսքով՝ Հաղթանակի 70-րդ տարեդարձի կապակցությամբ մայիսի 8-10-ին Մոսկվայում անցկացվելիք հանդիսություններին պլանավորված Է արտասահմանյան երկրների պետությունների ու կառավարությունների շուրջ 30 ղեկավարների, ինչպես նաև միջազգային կազմակերպությունների, մասնավորապես ՄԱԿ-ի, ՅՈՒՆԵՍԿՕ-ի ղեկավարների մասնակցությունը:

Բուն զորահանդեսին, գրաֆիկների չհամընկնելու պատճառով, չեն կարողանա ներկա լինել Բելառուսի նախագահ Ալեքսանդր Լուկաշենկոն, Գերմանիայի կանցլեր Անգելա Մերկելը, Չեխիայի նախագահ Միլոշ Զեմանը, Սլովակիայի վարչապետ Ռոբերտ Ֆիցոն:

Հաղթանակի օրվա տոնակատարությանը մասնակցելու հրավերներ Էին ուղարկվել 68 պետությունների ղեկավարների: