Օդեսայում հիշում են մայիսյան ողբերգության զոհերին

Ուկրաինայի Օդեսա քաղաքում այսօր հայտարարվել է 2014 թվականի մայիսյան ողբերգության զոհերի հիշատակի օր: Մեկ տարի առաջ զանգվածային անկարգությունների ընթացքում 48 մարդ է զոհվել, փոխանցում է ՏԱՍՍ-ը:

Այդ օրը քաղաքի կենտրոնում բախումներ էին սկսվել «Եվրամայդանի» աջակիցների և ուկրաինական նոր իշխանությունների հակառակորդների միջև:

Անջատողականները և Մայդանի հակառակորդները բարիկադավորվել էին Արհմիությունների շենքում: Եվրամայդանի աջակիցներով շրջապատված շենքում հրդեհ էր սկսվել: Դեպքի հետևանքով շենքում մահացել է 48 մարդ, ավելի քան 200 հոգի ստացել վնասվածքներ:

Մայիսյան ողբերգության հետաքննությունը շարունակվում է արդեն 1 տարի: