Բրիտանիայի նորածին արքայադստերն անվանակոչել են պապի, տատի ու թագուհու պատվին
Աշխարհ
Քեմբրիջի դուքսի ու դքսուհու նորածին դուստրը ստացել է բավական բարդ անուն՝ Շարլոթ Էլիզաբեթ Դիանա: Այս մասին ասված է Քենսինգթոնյան պալատի տարածած հայտարարությունում, փոխանցում է ՏԱՍՍ-ը:
Այժմ երեխային պետք է դիմել հետևյալ կերպ՝ Քեմբրիջի արքայադուստր Շարլոթ:
Իրենց դստրիկին այսպիսի անուն տալով՝ դուքսն ու դքսուհին պատվեցին միանգամից 3 մարդու՝ պապիկ Չարլզին, հանգուցյալ տատիկ Դիանային ու գործող միապետ Էլիզաբեթ 2-րդին:
Աղբյուրը մանրամասնում է, որ Շարլոթը Չարլզի անվան կանացի տարբերակն է: Այն ունի ֆրանսիական ծագում և նշանակում է «նրբաճաշակ և կանացի»:
Այժմ նորածին արքայադուստրը պապից, հորից ու ավագ եղբորից հետո բրիտանական գահի ժառանգորդների թվում 4-րդն է:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
